2024/09/26

Zarauzko Udalak eta Zarauzko Adinekoen Mahaiak elkarlanean antolatuta, aurten ere hemen da +60 Adinekoen Astea. Urriaren 1eko Adineko Pertsonen Nazioarteko Egunarekin hasiera emanez, aste guztian zehar Zarauzko adineko pertsonentzat prestaturiko egitarau oparoa dakar ekimen honek. “+60 Astearen helburua, besteak beste, adineko pertsonak aktibo mantendu eta euren artean erlazionatzen jarraitzea dira”, adierazi du Jesus Arana (EAJ-PNV) Gizarte Politiketako zinegotziak. “Adinekoen Mahaia osatzen dugun elkarte eta erakundeek elkarlanean aste osoko egitarau zabal bat prestatu dugu eta Zarauzko adinekoak animatu nahi ditugu antolaturiko ekimenetan parte hartzera”.

Aurten ere, ekitaldi hauetan partehartzea sustatzeko, +60 Asteko ekitaldietan parte hartzen duten pertsonek txartelak jasoko dituzte eta, azken egunean, igandean, hainbat sari zozketatuko dira. Pertsonako txartel bat lortu ahal izango da ekitaldi bakoitzean.

Zarauzko Adinekoen Mahaian honako elkarte eta erakundeek hartzen dute parte: Udaberri Jubilatuen Elkartea, Iñurritza Jubilatuen Elkartea, Kostan Elkartea, Zarautz Herri Zaintzailea, AFAGI, Maria Etxetxiki Eguneko Zentroa, Santa Ana Egoitza, Nagusilan eta Zarauzko Udala.

EGITARAUA

Urriak 1, asteartea (Adinekoen Nazioarteko Eguna):

• 16:00 Mus-tute eta seikoak txapelketa -> Iñurritzan eta Udaberrin (izena eman behar da aurrez).
• 18:30 Death cafe -> Iñurritzan euskaraz eta Udaberrin gaztelaniaz (plaza mugatuak, aurrez izena eman behar da zarautzherrizaintzailea@gmail.com).

Urriak 2, asteazkena:

• 10:00-12:00 Jokuak: petanka, toka, igela... -> Udaberrin (izena eman behar da aurrez Udaberrin).
• 16:00 Mus-tute eta seikoak txapelketako finalak -> Iñurritzan.
• 18:00 Hitzaldia “Bizitza Betea” Elisabet Arrietarekin eta “Klownkusioak” Beatriz Egizabalekin -> Modelo Aretoan (sarrera doan).

Urriak 3, osteguna:

• 10:00 – 12:00 Ibilaldia, Zarautz ezagutzen bisita gidatua -> Udaberrin (izena eman behar da aurrez Udaberrin).
• 18:00 Antzerkia “¿Y ahora qué”? – Helduen hitza -> Modelo Aretoa (doan).

Urriak 4, ostirala:

• 11:00 – 12:00 Bingo musikatua Maria Etxetxiki, Santa Ana eta eguneko zentroko erabiltzaileentzat -> Frontoi txikian.

Urriak 4-13:

• “Maitatzeko Artea” erakusketa -> Merkatu Plazako lehen solairuan (astelehenetik ostiralera 17:00-19:30 eta larunbat eta igandetan 11:00-14:00 eta 17:00-19:30).

Urriak 5, larunbata:

• 11:00 – 12:00 Bizikletaz adinik ez -> Santa Anan
• 12:00 – 13:00 Kantu jira.

Urriak 6, igandea:

• 18:00 – 20:00 Dantzaldia (Gauargi) eta zozketa -> Udaberrin.

Urriak 16, asteazkena:

• 18:00 Hitzaldia, “Solos juntos, el valor de las relaciones sociales”, Javier Yangüasen eskutik -> Modelo Aretoan (sarrera doan).

​​​​​​​