2020/07/23

Datorren igandean, uztailaren 26an, "Los Tenampas" mariatxien taldeak kontzertua eskainiko du Aritzbatalde Kiroldegian.

20:00etan izango da eta sarrerak doan izango dira, baina gonbidapenak Modelo Aretoaren txarteldegian jaso beharko dira 18:00etatik 19:45era bitartean. Kiroldegian bertan ere jaso ahal izango dira, hasi baino minutu batzuk lehenago eta, gehienez, 4 gonbidapen pertsonako.

Ekitaldi guztietan bezala, pertsonen arteko 1,5 metroko distantzia errespetatu beharko da, maskara nahitaez erabili beharko da eta ekitaldia eserlekutik ikusi beharko da.

"Los Tenampas" taldea musikan ibilbide luzea duen formazioa da. 3 abeslari eta 9 musikari aritzen dira eszenatoki gainean. Taldea 2009an sortu zen Mexikora bidai bat egin ondoren. Bertan Mariatxi sehaska ezagutu zuten "Tenampa aretoa" bisitatuz. Ondorioz, euren bideari ekin zioten.

Ahots handiak dituzte koruetan, bi tronpeta, gitarra, bihuela, gitarroia, akordeoia eta lau biolinekin lagunduta. Instrumentu garbiak, eszenaratze paregabearekin eta benetako Mariatxiren magia helarazten du talde honek.