Vista Alegren eraikitzen ari diren hiru igogailu berrien lanen baitan, aldaketak egingo dira auzoko sarrera/irteera errepidean, auzoko aparkaleku kopurua bermatzeko. Gaur egun auzoko sarrera/irteera den Urkidi kalea, behin behinean, irteerarako bakarrik erabiliko da eta, ondorioz, 19 aparkaleku sortuko dira gune horretan. Ondorioz, auzorako sarrera Barandiaran kaleko aldapatik egingo da.
Baldintza klimatikoek baimentzen badute, astelehenean hasiko dira seinaletika berriaren margoketa lanak egiten eta aldaketa gauzatuko da.
