2022/12/14

Urte berriari begira, Zarauzko Udalak ekitaldi sorta berria antolatu du lehen hilabeteetarako. Urtarriletik ekainera bitarteko egitaraua datozen egunetan aurkeztuko da baina, bitartean, Kultura departamentuak antolatuko diren lehen ikuskizunen sarrerak jarriko ditu salgai ostiral honetan.

Urtarrilean zehar honako ikuskizun hauetan gozatu ahal izango da:

1.    Urtarrilak 13 (20:00 - MODELO ARETOA) -> RUPER ORDORIKA. Amour eta Toujours (sarrera 10 euro).
2.    Urtarrilak 22 (16:45 - MODELO ARETOA) -> ENE KANTAK. Emozio festa (sarrera 4 euro).
3.    Urtarrilak 28 (19:00 - LIZARDI KIROL ARETOA) -> BANUZTAR XORIAK DANTZA TALDEA + JALGI DANTZA TALDEA. Laminosine (sarrera 7 euro aurrez, 10 euro egunean bertan).

Hiru ekitaldi hauetarako sarrerak ostiral honetan jarriko dira salgai, arratsaldeko 19:00etan, Modelo Aretoko txarteldegian eta Kutxabanken sarrera zerbitzuan.