2025/07/02

Zarauzko Udalak antolatuta, uztaila eta abuztuan zehar, igandero erromeriak izango dira Zarautzen. Igande honetatik bertatik hasita, astero dantzatzeko aukera izango da igande arratsaldeetan (19:30) Musika Plazan.

Hirugarren urtez jarraian, Udalak udan zehar erromeriak antolatuko ditu Musika plazan igande arratsaldetan. Musika ekitaldi hauek aurreko udetan izan duten arrakasta ikusita, jarraipena emateko erabakia hartu du Udalak.

Hauek izango dira datozen bi hilabetetan Musika plazan izango diren erromeriak:

UZTAILA

Uztailak 6 -> Ansorregi eta Larrañaga.

Uztailak 13 -> Etxaide, Garixe eta Naiara.

Uztailak 20 -> Alaitz, Gorka eta Ainara.

Uztailak 27 -> Laja eta Lutxurdio & Izer eta Alabier.

ABUZTUA

Abuztuak 3 -> Miren, Mirari eta Agur.

Abuztuak 10 -> Intxausti eta Larrañaga.

Abuztuak 24 -> Elustondo anai-arrebak.

Abuztuak 31 -> Arkaitz Allur eta Maddalen Arzallus.

​​​​​​​