2023/09/13

Irailaren 16etik 22ra ospatuko da aurtengo Mugikortasunaren Europako Astea eta hainbat udal eta erakundek bat egingo dute ekimen honekin. Aste honen helburua da gizartea jasangarriagoak diren garraioen inguruan kontzientziatzea.

Zarautzek ere bat egingo du ekimen honen helburuekin eta larunbat honetarako XXII. Txirrindulari Txikien Eguna antolatu du Zarauzko Zikloturista Elkartearekin elkarlanean. Ekitaldi honen baitan, giro lasaian, haur eta gazteei zuzendutako bizikleta martxa bat egingo da Salbideko jolas parketik hasi eta herriko erdiguneko kaleetan barrena joango dena, 2,5 kilometroko ibilbidea osatuz.

Ondoren, partehartzaileentzako hamaiketakoa eta opari zozketa izango da.

Bizikleta konponketa tailerra

Mugikortasunaren Europar Astearen markoan, Gipuzkoako Foru Aldundiaren eskutik, bizikleta konponketa tailerra ere izango dugu Lege Zaharren enparantzan, irailaren 20an, 15:00etatik 21:00etara.