2024/11/14

Aste honetan hasi dira Salbide auzoko trafikoaren noranzkoa aldatzeko lanak. Hain zuzen ere, lan hauen baitan, Iturribide kalea norabide bakarrekoa bilakatuko da, mendebaldetik ekialdera.

“Aldaketa honekin, alde batetik, ibilgailu motordunen abiadura murriztu eta mugikortasuneko elementurik zaurgarrienen segurtasuna areagotu eta hots-kutsadura murriztu nahi ditugu. Bestetik, auzotarrentzat egoiliarren aparkaleku gehiago lortzeko aukera emango digu”, adierazi du Iker Basurko (EAJ-PNV) Mugikortasun zinegotziak.

TAO ordenantzako 1 gunea (Alde Zaharra eta Salbide) aparkatzeko gune tentsionatua izanik, aldaketa honekin 40 aparkaleku gehiago sortuko dira auzoan. Bestalde, Hiribusaren geraleku berri bat gehituko da Azken Portu Goiko igogailuaren parean, 2, 3 eta 23 zerbitzuentzat (24 udan).

​​​​​​​