Datorren astelehenean, ekainak 21, Zarauzko autobus urbanoaren udaldiko ordutegia sartuko da indarrean. Uda honetako ordutegia pasa den urteko bera izaten jarraituko du.
Neguko ibilbideekin alderatuta bi aldaketa nagusi aurki ditzakegu udakoan:
- Astelehenetik ostiralera, 3. Linearen zerbitzua Talaimendi auzoraino (goiko kanpina) iritsiko da. Asteburuan, aldiz, linea mistoa izango da zerbitzu hori emango duena.
- Astiraino doan zerbitzua ere handituko da. Astean zehar 3. lineak zerbitzua Astiraino luzatuko du eta asteburuan, berriz, linea mistoak.
Ordutegiak, ibilbideak eta zarauzko autobus urbanoari buruzko informazio guztia www.zarauzkohiribusa.org webgunean egongo dira eskuragarri.
