2020/06/18

Denbora gutxi barru, Hautesle Erroldako Bulegoak errolda-txartela bidaliko dio hautesle bakoitzari etxera. Bertan, botoa eman behar duen hautesmahaiari buruzko datuak agertuko dira.

Hautesle guztiei eskatzen zaie txartel hori gorde dezatela hauteskunde egunera arte, botoa ematera zuzenean beren mahairaino iritsi ahal izateko, jendea ez pilatzeko eta hautesleen arteko arauzko tartea zaintzeko.

Botoa normalean Lizardi Institutuan ematen duten hautesleei jakinarazten zaie, oraingoan beren mahaia Lizardi Institutuaren kirol-kantxa berrian egongo dela.

Ikastolan bozkatzen dutenek ikasgeletan bozkatu beharrean, oraingoan ikastetxearen gimnasioan egingo dute.

Bestalde, Orokieta Ikastetxeko hautesleek ikasgeletan botatu beharrean, oraingoan ikastetxearen frontoian bozkatuko dute.

Gainerako hauteslekuak aurrekoetan egon diren toki berean egongo dira.