2023/12/20

Aurten ere, Zarauzko Udalak Giza Eskubideen eguna ospatu du herriko Garapenerako gobernuz kanpoko erakundeekin.

Joan den ostegunean gauzaturiko agerraldian 2023an Udalak diruz lagundutako 21 proiektu aurkeztu zituzten erakunde hauetako ordezkariek.

Guztira 271.878,48 euro izan dira aurten Zarauzko Udalak garapenerako proiektuetara bideratu dituenak:

•    Herri pobretuetan garapenerako proiektuak -> 12
•    Sentsibilizaziorako proiektuak -> 1
•    Larrialdi humanitarioak -> 8

Aurkezpen honen helburua da, zarauztarrek ezagutzea, Udalaren bitartez munduan zehar laguntzen dituzten proiektuak. Horretarako, joan den asteko agerraldi hau Erlo Telebista bidez ikusteko aukera izango da larunbat honetan, abenduaren 23an, 21:00etan.