Informazioa

Zarauzko Udalak euskararekiko motibazioa, euskara bera ikertzea, ezagutzea eta erabiltzea sustatzeko urtean zehar Zarautzen egiten diren jarduerei dirulaguntzak ematen die.

NORK ESKA DEZAKE?

Dirulaguntza horiek oinarri hauetan zehaztutako esparruan euskara normalizatzeko programak garatzen dituzten irabazi-asmorik gabeko pertsonek eta erakundeek eskatu ahal izango dituzte, legearen arabera eratuak eta dagozkien erregistroetan inskribatuak, behar den IFZ dutenak ete beren jarduera nagusiki Zarauzko udalerrian garatzen dutenak.
Irakaskuntza-zentroak deialdi honetatik kanpo geratuko dira.
Pertsonen eskubideen aurkakoak edo iraingarriak diren edukiak dituzten jarduerak edo programak ez dira onartuko.

ZENBATEKOA

Proposatutako dirulaguntzaren zenbatekoak ez du programaren gastu-aurrekontuaren % 75 gaindituko. Dirulaguntzen emakida gehienez dagokion partidaren aurrekontuko diru-izendapenaren mugaraino egingo da, beraz, ordaindu beharreko kantitatea handiagoa bada aurrekontuan horretarako izendatutako kopurua baino, banaketa proportzionala egingo da eskatzaile guztien artean.

AURKEZTU BEHARREKO AGIRIAK

Eskaera eredua behar bezala beteta: eskatzailearen datuak, ekintzaren ezaugarriak, ekintzaren aurrekontua.7.3A eredua.
Zerga betebeharrak eta Gizarte Segurantzarekikoak eguneratuta dituela ziurtatzen dituzten agiriak (eskatzaileek aukera izango dute adierazpenaren bidez Zarauzko Udalari baimena ematea informazio hau berak eska dezan). 7.3B eredua
Erantzukizuneko adierazpena sexuaren, ideologiaren, jatorriaren nazionalitatearen edo sexu-joeraren ziozko diskriminaziorik ez dela egiten. 7.3B eredua
Hizkuntza ofizialen aurreikusitako erabilera. 7.3D eredua
Beste dirulaguntza eskabideen aitorpena. 7.3F eredua
Dirulaguntza justifikatzeko garaian:
- Hizkuntza ofizialen benetako erabilera. 7.3E eredua
- Justifikazio zerrenda. 7.3F eredua.