Agrégateur de contenus

Retour Errotuluak, irudi korporatiboa eta web-guneak euskaraz jartzeko dirulaguntzak

Errotuluak, irudi korporatiboa eta web-guneak euskaraz jartzeko dirulaguntzak

NON ESKATZEN DA?

Aurrez aurre:

HAZ (Herritarren Arreta Zerbitzua)
Kale Nagusia 29
20800 Zarautz

Ordutegia:
Goizez: astelehenetik ostiralera 7:30 - 15:00
Arratsaldez: Osteguna 17:00 - 19:00
Zarauzko Udalaren zerbitzu telematikoen bitartez:
https://uzt.gipuzkoa.eus/WAS/AYTO/USCServicioCiudadanoVer15WEB/home.do?De=079&hizkuntza=EU

Eskatzaileak IFKa badu, eskaera derrigorrez egin behar du zerbitzu telematikoen bitartez.

Informazio gehiago Euskara Departamentuan:

Telefonoa: 943 00 51 16
Posta elektronikoa

Errotuluak, irudi korporatiboa eta web-guneak euskaraz jartzeko dirulaguntzak ematen ditu Zarauzko Udalak.

ESKAERA AURKEZTEKO EPEA:

2024ko maiatzaren 16tik ekainaren 17ra

NORK ESKA DEZAKE?

Honako baldintza hauek betetzen dituenak:

Helbide fiskala, egoitza edo ordezkaritza iraunkorra Zarautzen duten pertsonek edo elkarteek.
Beharrezko lizentziak dituen establezimenduak (jarduerakoa, errotulua edota toldoa jartzekoa).
Errotulua eta irudi korporatiboa euskaraz bakarrik idatzi, eta euskara zuzena eta egokia erabiltzen duenak.
Ez da dirulaguntzarik emango errotuluan izen berezia bakarrik agertzen denean; langintza motaren edo jarduera profesionalaren adierazlea hartuko da kontuan.
Establezimenduetan kanpora begira jartzen diren inskripzioak euskaraz bakarrik idatzita egotea.
2022ko uztailaren 18tik aurrera egindako fakturak aurkezten duenak.
Udalak eskatzaile bakoitzari behin bakarrik emango dio errotulua euskaraz jartzeko dirulaguntza. Dirulaguntzaren onuradunak, bere aldetik, konpromisoa hartuko du diruz lagundutako errotuluak euskaraz izaten jarraituko duela hortik aurrera.

ZENBATEKOA:

Dirulaguntzaren oinarrietan jasotzen diren baldintzak betez gero %50eko dirulaguntza emango da (beti ere 350,00 euro arte gehienez).

AURKEZTU BEHARREKO AGIRIAK:

Dirulaguntza eskatzeko inprimakia behar den bezala beteta. (7.4A Eranskina)
Erakunde eskatzailearen pertsona arduradunaren edo ordezkariaren NANaren fotokopia.
Identifikazio Fiskaleko Zenbakiaren fotokopia.
Gastuen jatorriko fakturak eta dagozkien ordainagiriak.
Diruz lagundutako errotuluaren argazki bat.
Oinarri hauei erantsitako erantzukizunpeko adierazpena. (7.4B Eranskina)
Udalak hala eskatuz gero, deialdiaren helburuak betetzeko argigarria den informazio osagarria aurkeztu beharko dute eskatzaileek.

DOKUMENTAZIO LAGUNGARRIA