2023/09/14

Uda honetan anezka zerbitzuaren berrikuntza ezarri da Asti kirol guneko aparkalekuan. Zerbitzu honen bitartez, jendeak doan aparkatzeko aukera izan du Astin eta, ondoren, erdigunera joan etorria egin zezakeen, Udalak jarritako txu txu trenarekin.
Zerbitzua martxan jarri den lehen uda honetan, ekimenak harrera oso ona izan du, 9.000 erabiltzaile ingururi zerbitzua emanaz. Zifra hori ibilgailuetara eramanez, 3.000 kotxe inguru izango lirateke. Hein handi batean, gipuzkoarra eta nafarrak izan dira Astiko aparkalekua eta anezka zerbitzua gehien erabili dutenak.

"Lehen esperientzia hau oso onuragarria izan da, bai Astiko aparkalekua eta txu-txu trenarekin anezka zerbitzua erabiltzea erabaki dutenentzat, bai zarauztarrentzat ere, herriaren iparraldean aparkatzeko leku bila beharrezkoa ez den trafikoa murriztu delako”, adierazi du Iker Basurko (EAJ-PNV) Mugikortasun zinegotziak. "Datorren urtean aparkaleku hori izaten jarraituko dugu, baina Hegoaldean prestatuko dugun zabalgune berria ere izango dugu, 400 ibilgailu ingururentzako edukierarekin".

Erabilgarri irailaren 24a bitartean

Oraindik Astiko aparkalekuko anezka zerbitzua erabiltzeko aukera izango da. Datorren igandean, irailaren 24ean izango da uda honetako zerbitzuaren azken eguna.