2020/03/12

Zarauzko Udalak aurtengo Asfaltatze Plana amaitu du. Urtarrilaren hasieran hasi zen Untzain auzoan eta asfaltatze lanetan, 399.899,18 euroko (BEZ barne) inbertsioa egin da. Campezo Obras y Servicios S.A. enpresak burutu ditu obrak.

Lanak Alkortiaga bidean hasi ziren eta Zarauzko auzo gehienetara heldu dira: Zelai Ondon, Mendilautan, Azken Portun, Iñurritzan, Erdigunean …

“Obrek sortu dituzten eragozpenengatik barkamena eskatu nahi dugu, baina emaitzak guztion mesederako izan direla argi daukagu. Egindako lanarekin, oso gustora geratu dira herritarrak eta horrela adierazi digute. Egaña Kalea asfaltatzea geratzen da bakarrik (Salberdineko hitzarmen batzordeak lan batzuk burutu ostean asfaltatuko da, Untzainetik Salberdinera argindarra eramateko zangak bukatu ondoren)” azaldu du Iban San Martinek (EAJ-PNV), Obra eta Zerbitzu zinegotziak.