2023/07/03

Antzerkia Familian programak ekainaren 4an izan zuen bere denboraldiko azken emanaldia Modelo Aretoan. Bost emanaldi izan dira eta, guztira, 1000 lagun inguruk izan dute programazio honetaz gozatzeko aukera.

Uztailean eta abuztuan ANTZERKIA FAMILIAN UDAN egitaraua kalean egingo da, Villa Manuela frontoian. Programa honek jarraipena ematen dio urtean zehar Modelo aretoan egiten den programazioari, eta horrela, doan eta kalean izanda publiko berrietara iristea du helburu. Horretaz gain, bertako konpainiak izango dira nagusi programa honetan, horrela, zirkua, magia, dantza edo antzerkia ikusteko aukera egongo da.

Uztaileko eta abuztuko egitaraua hauxe izango da:

Uztailaren 6an arratsaldeko 17:30tan entzierroa egingo da zezen puzgarriekin. Udaletxe aurretik abiatuko da.

Gainerako sei ikuskizunak Villa Manuelako frontoian izango dira, arratsaldeko 19:00tan, doan, publiko ororentzat.

UZTAILAK 6    ENTZIERROA Udaletxe aurretik abiatuta
UZTAILAK 13    ANTIPASTI / EQM TEATRE
UZTAILAK 20    INDARTSUAK / ZIRKO TXOSKO
UZTAILAK 27    AIREPORTUAN/POTX ETA LOTX

ABUZTUAK 3    ELEDER MAGOA
ABUZTUAK 24    ORGANIK/AMEZTU PRODUKZIOAK
ABUZTUAK 31    TXIKI FESTA / KANTU KOLORE