2024/09/04

Euskal Jaia dela-eta, irailaren 9rako, orga lehiaketa antolatu du Zarauzko Udaleko Turismo, Ekitaldi eta Jaietako Departamentuak. Ondorengo baldintzak bete beharko dira derrigorrez:

IZEN-EMATEA
Zarautzen erroldatutako edonork har dezake parte. Horretarako, Turismo, Ekitaldi eta Jaietako  Departamentuan (Kale Nagusia 30  -  Turismo bulegoa) eman behar da izena. Epea 2024ko irailaren 8an bukatuko da, 13:00etan.

Izena emandakoan, zenbaki bat jasoko du parte hartzaileak. Euskal Jai egunean zenbaki hori bistan jarri behar da.

GAIA
Gaia librea izango da, baina euskal kulturarekin edo Euskal Jaietako ohiturekin zerikusia izango du.

SARIAK
Guztira 2.300 € banatuko dira:

1.    Saria: 500€
2.    Saria: 300€
3.    Saria: 200€

Gainerakoa, hau da, 1.300 euroko diru-poltsa epaimahaiaren iritziz nahikoa maila ematen duten gainerako parte hartzaileen artean banatuko da, eta ez da izango 150€ baino gehiagokoa.

SARI BANAKETA
Orga guztiak Lege Zaharren enparantzara eraman beharko dira irailaren 9an, 13:30ean. Egun eta ordu horretan egingo da sari banaketa.

EPAIMAHAIA
Turismo, Ekitaldi eta Jaietako zinegotziak eta beste zinegotzi batzuk -edo beraiek izendatutako ordezkariek- osatuko dute epaimahaia.

Epaimahaiaren erabakia ezingo da errekurritu.

BESTERIK
Ezingo dira supermerkatuetako orgak erabili.
Orgetan ez da publizitaterik egingo.
Ez dira baloratuko eta ez dira sarituko aurreko urtetan sariren bat jaso duten eta itxuran aldaketarik izan ez duten orgak.

ONARPENA
Lehiaketara aurkezteak arau hauek onartzea dakar berarekin.