ESKUORDETZA OROKORRAK

Alkateak Legez berari dagozkion eskumen batzuk eskuordetzea erabaki du. 

TOKIKO GOBERNU BATZARRARI

1.- HIRIGINTZA

a) Eraikuntza berriak egiteko eta lehendik dauden eraikuntzetan berrikuntza handiak egiteko lizentziak ematea, eta horiek gauzatzeko proiektuak onartzea (21.1.q artikulua), zergen ondorioetarako aurrekontu likidagarria 200.000,00 eurokoa edo gehiagokoa denean.

b) Jarduera lizentziak ematea, baldin eta obra-lizentziarekin batera izapidetzen badira eta obra lizentzia emateko eskuduna Tokiko Gobernu Batzarra baldin bada (21.1.q artikulua)

c) Eraikuntzetako lehen erabilerako lizentziak ematea (21.1.q artikulua), baldin eta obra lizentzia Tokiko Gobernu Batzarrak eman badu.

d) Aurre-espedienteak erabakitzea (21.1.s artikulua).

e) Hirigintza-kudeaketarako tresnak (birpartzelazio-proiektuak, urbanizatzeko jarduketa programak eta gainerako hitzarmenak) eta urbanizazio-proiektuak onartzea (21.1.j artikulua).

f) Hirigintza-ordenamenduko planei eta hitzarmenei hasierako eta behin-behineko onespena ematea, baldin eta behin betiko onespenaren eskumena Udalbatzarrarena bada (21.1.j artikulua).

g) Hirigintzako arau-hauste larri eta oso larrien ondoriozko zigorrak (Hirigintza diziplinaren Arautegiko 51. artikulua eta ondorengoak).

h) Ingurumena: Zarata mapak eta ekintza planak onartzea, (213/2012 Dekretuaren 18. eta 19. artikuluak) bai eta babes akustiko berezien eremuak deklaratzea eta horien plan zonalak onartzea (213/2012 Dekretuaren 45. eta 46. artikuluak). Klima-aldaketaren aurkako ekintza-planak onartzea, Udalbatzaren eskumena ez denean.

2.- GIZA BALIABIDEAK

a) Lan eskaintza publikoa onartzea, Udalbatzarrak onartutako aurrekontuaren eta plantillaren arabera (21.1.g artikulua).

b) Langileak hautatzeko eta lanpostuak betetzeko lehiaketetarako oinarriak onartzea (21.1.g artikulua).

c) Diziplina-espedienteak erabakitzea (21.1.h artikulua).

3.- KONTRATAZIOA

a) Edonolako kontratazioak eta emakidak egitea, baldin eta baliabide arrunten % 5etik % 10era bitartekoak badira (21.1.ñ artikulua).

b) Obra-proiektuak eta zerbitzu-proiektuak onartzea, baldin eta horiek kontratatzeko edo esleitzeko eskumena badu eta aurrekontuan aurreikusita badaude (21.1.o artikulua).

4. DIRU-LAGUNTZAK ETA LAGUNTZAK

Eskaeren arteko lehia bidez laguntzak eta diru-laguntzak emateko deialdia onartzea, bai eta horiek erabakitzea ere.

Honako hauek eskuordetzearen esparrutik kanpo daude eta, beraz, Alkatetzaren esku geratzen dira: alde batetik, azaroaren 17ko 38/2003 Lege Orokorrak, diru-laguntzei buruzkoak, 22.2 artikuluan aurreikusten duen zuzeneko laguntza eta diru-laguntza oro, eta horien ondorengo formalizazio-hitzarmenak sinatzea; gizarte-larrialdiko planen, banan banako laguntza planen eta abarren arabera baimentzen diren gizarte arloko laguntzak; Tokiko Gobernu Batzordeak ebatzitako diru-laguntza prozeduren baitan hartu beharreko gainontzeko ebazpenak (zuriketaren onarpena, diru-laguntzaren itzulketa eskaerak, emandako kopuruan aldaketa etb.)

5.- GASTUAK

Bere eskumeneko arloan obligazioak aitortzea, baliabide arrunten % 5etik % 10era bitartean (21.1.f artikulua).

6.- ONDASUNAK

Ondasunak eta eskubideak erostea, eta ondarea besterentzea, horien balioa baliabide arrunten % 5etik % 10era bitartean dagoenean (21.1.p artikulua).

7.- LANKIDETZA-HITZARMENAK

Beste administrazio batzuekin eta beste pertsona fisiko edo juridiko batzuekin lankidetza hitzarmenak onartzea, lege hauen aplikazio-eremutik kanpo geratzen direnean: a) Azaroaren 8ko 9/2017 Legea, Sektore Publikoko Kontratuei buruzkoa eta b) Azaroaren 17ko 38/2003 Lege Orokorra, diru-laguntzei buruzkoa, eta hori garatzeko arauak (21.1.s artikulua).

    
EKONOMIA

JESUS ARANA GÓMEZ Tokiko Gobernu Batzarreko kideari delegatzea Alkatetzari emandako honako eskumen hauek:

— Kontratazio-organoak txostena egingo du, kontratuaren beharra arrazoitzeko.
— Frogatuko da kontratazioko arau orokorrak ez aplikatzeagatik kontratuaren helburua ez dela aldatzen ari.
— Gastua onartzeko ebazpenak.

UDALTZAINGOA

GERVASIO GABIRONDO FERNANDEZ Tokiko Gobernu Batzarreko kideari eskumen hauek eskuordetzea:

– UDALTZAINGOA
– HERRITARREN SEGURTASUNA ETA HERRI BABESA
– TRAFIKOA: bai ZARAUZKO HIRI-BIDEETAKO ZIRKULAZIOAREN ETA ERABILERAREN ZENBAIT ALDERDI ARAUTZEKO ORDENANTZAn bai OINEZKOEN ETA IBILGAILUEN ZIRKULAZIOARI BURUZKO UDAL ORDENANTZAn aurreikusitako baimenak ematea eta, halaber, zigortzeko espedienteak tramitatu eta erabakitzea.

Hona hemen, hain zuzen ere, eskumen horiek jasotzen dituzten aginduak: apirilaren 2ko 7/1985 Legea, Toki-araubidearen oinarriak arautzen dituena 21.1.i) eta 21.1.s) artikuluetan, eta azaroaren 28ko 2568/1986 Errege Dekretua, Toki-erakundeen Antolamendu, Funtzionamendu eta Araubide Juridikoaren Erregelamendua onartzen duena —41.15 eta 41.27 artikuluetan—.

UDAL MUSIKA ESKOLA

Kulturako zinegotzi arduradun IRUNE URBIETA ALBERDI andreari eskuordetzea “IMANOL URBIETA” UDAL MUSIKA ESKOLAko Zuzendaritza Batzordeko eta Eskola Kontseiluko lehendakaritza.

EZKONTZAK

Tokiko Gobernu Batzarreko kide guztiei delegazio orokorra ematea ezkontzak egiteko.
 

DELEGAZIO BEREZIAK

Alkateak ondoren adierazten diren zinegotzien aldeko eskuordetza berezi hauek onartu ditu, udal-antolaketako arlo hauen kudeaketa eskuordetuz, eskuordetza-emaileari erreserbatuz administrazio-egintzen bidez ebazteko ahala: