Photomuseumek sustatu eta Zarauzko Udalak babestutako kulturaren difusiorako programa da. Lau alor tematikoetan banatzen da: Gaur eguneko gaiak, Zinematografia, Historia eta Literatura.

18:00etan hasiko da saioa, eta ohi bezala, doakoa izango da.

- Abenduak 3: Esther Ferrer

Esther Ferrer azken mende erdiko euskal artista garrantzitsuenetakoa da, eta aitzindaria performance arloan. 2008an Arte Plastikoen Sari Nazionala jaso zuen eta 2014an Arte Plastikoen Velázquez Saria.

Ferrerren ekoizpenak argazkiak, instalazioak, zenbaki lehenetan edo Pi seriean oinarritutako koadroak, objektuak eta abar biltzen ditu. Lan horien artean nabarmentzekoak dira Autorretratuak (1981etik aurrera), Zenbaki lehenak eta Jostailu hezitzaileak (1980ko hamarkada).

Informazio gehiago >> www.photomuseum.es