Eusko Trenbide Sareak Zarauzko tren geltokia berritzeko obrak dagoeneko martxan dira. Lapurdi kalean burutzen ari dira une honetan lanak eta, datozen egunetan, zehazki, Zelai Azpibide gaineko zubian arituko dira lanean. Ondorioz, eta ahalik eta eragozpen gutxien eragite aldera tren zerbitzuan eta zarauztarren egunerokotasunean, Zelai Azpibidea moztu egingo da oinezko eta ibilgailuentzat, irailaren 28 eta 29an (astearte eta asteazkena), gauez. Mozketa Mitxelena eta Justo kaleko biribilgunetik hasi eta Gipuzkoa kalea – Zelai azpibidea bidegurutzea bitartean burutuko da, gaueko 21:00etatik goizeko 6:30etara. Bertako bizilagunei abisua jarri zaie dagoeneko euren eskaratzetan.
