2023/06/30

Zarauzko Udala, Xabier Txurruka alkatearen eskutik, Biarritzen izan zen atzo, bertako tokiko administrazioak itsasertza itsasoaren batez besteko mailaren igoeraren arriskuetara egokitzeko hartutako neurriak bertatik bertara ezagutzen.

Urban Klima 2050 ekimenaren baitan antolaturiko bisita honetan izan dira Eusko Jaurlaritzako Natura Ondare eta Klima Aldaketa Zuzendaria, Adolfo Uriarte, eta IHOBE, AZTI, Tecnalia eta Euskadiko Bide, Ubide eta Portuetako Ingeniarien Eskolako ordezkariak.

Bisitaldian, euskal ordezkaritzak bertatik bertara ezagutu ahal izan du, ekaitzek eragindako eta klima-aldaketari lotutako tokiko eraginak ebaluatzeko eta arintzeko, Rivages ProTech-Suez ikerketa-zentroak Biarritzeko hondartzan abian jarri duen ‘Wave Submersion’ zerbitzu operatiboa.

Bestalde, Ihobeko eta AZTIko ordezkariek Zarauzko itsas pasealekurako garatutako jarduketa-aukeren azterketa aurkeztu dute, Lan honetan hondartzaren erabilera bermatzeko eta klima-aldaketaren testuinguruan hondartzaren higadura eta uholde arriskua murrizteko neurri potentzialen katalogo bat bildu eta proposatu da.