Zarauzko Udal Gobernuak Inaxio Illarramendi Lizarretak, 2. alkateorde eta PSE-EEko bozeramaile den zinegotziak, larunbat gauean, udal eraikina den Zarauzko Gaztetxean, jasan zuen jazarpena gaitzesten du.
Euskadiko Alderdi Sozialista - Euskadiko Ezkerrak eta Eusko Alderdi Jeltzaleak bere gaitzespenik sendoena adierazi nahi dute zarauztarrek demokratikoki aukeratutako arduradun publiko izateagatik jasan duen eraso honen aurrean.
Inaxio Illarramendi Lizarretak Zarauzko Udaleko Gobernukide guztien babes osoa du, bere aurkako eta karguaren balio demokratikoen aurkako eraso onartezina izan den egoera tamalgarri honen aurrean.
