2021/06/22

San Pelaio eguna iristear da eta zarauztarron patroiari omenaldia egiteko Zarauzko Udalak liburuxka bat argitaratu du: San Pelaio: zarauztarron zaindari”. “Ozenago edo baxuago, ez dago zarauztarrik San Pelaioren ereserkia lau haizetara abestu ez duenik”. Honela dio liburuxkaren hitzaurreak, eta argitalpen honen helburua San Pelaio zergatik zarauztarron patroi den galderari erantzutea da.

Horretarako, liburuxka honetan bi testu aurki ditzakegu: alde batetik, Anjel Lertxundik 1993an argitaratutako “Tresak eta kordelak” bilbumako azken ipuina, egileak 2021ean berrikusia; eta bestetik, Felix Ortiz y San Pelayo azpeitiarrak 1884ean “Euskal-Erria” aldizkarian idatzitako testua.

Liburuxka Sanz Enea kultur etxean eskuragarri egongo da, doan.