Udalbatzarrak, bere urriko ohiko saioan, hasierako onespena eman zion Zarauzko Hiri Antolamenduko Plan Orokorraren Aldaketa Puntualaren dokumentuari, 19.1 eremuko (OD Talaimendi) Villa Elizabeth lurzatiari eta lurzoru urbanizaezineko 1. poligonoko 9. lurzatiari eragiten diona.
Iragarkia prentsan eta 2025eko azaroaren 10eko Gipuzkoako Aldizkari Ofizialean argitaratu ondoren, jendaurreko informazioaren izapidea ireki da hilabeteko epean, abenduaren 11ra arte, egun hori barne.
Proposamen honen inguruan informazio gehiago izateko, herritarrekin saio ireki bat antolatu da azaroaren 26an, asteazkenean, 18:30ean, Etxezabalako beheko solairuko aretoan.
