Atzo Itzuliaren 3. etaparen irteera jaso zuen Zarautzek eta, goizean zehar, hainbat errepide mozketa izan ziren herrian. Behin lasterketa igarota, Zarauzko Herri Segurtasuneko zinegotziak, Gervasio Gabirondok (EAJ-PNV), eskerrak eman dizkie herritarrei izandako jarreragatik: “Udaltzaingoaren eta Zarauzko Udalaren izenean, eskerrak eman nahi dizkiet zarauztarrei atzoko jardunaldian izandako jarrerarengatik. Alde batetik, lasterketarekiko izandako errespetuarengatik eta kirolariei emandako animoengatik eta, bestetik, errepide mozketen eta trafiko murrizketen aurrean erakutsitako jarrera ona eta ulermenarengatik”.
