Informazioa

Udalak eta ikastetxeek ere bat egiten dugu LGTBIfobiaren aurkako egunarekin

Maiatzaren 17an da gay, lesbiana, bisexual, transexual eta intersexualen fobiaren aurkako eguna.

“Pertsona bakoitzak eskubidea du bere identitate sexuala aldarriUdalakatzeko. Oso anitzak gara pertsonok, baita sexualitatean ere”. Aniztasun hori ikusaraztea “oso garrantzitsua” da normaltasuna lortzeko bidean.

Urtero bezala, ostadarraren banderak jarri ditugu ikastetxeetan eta udaletxeko balkoian Naizena naizela, onartua lelopean. eta herriko hainbat eserleku margotu ditugu.

Horrez gain, maiatzaren 21ean mahai ingurua izan da transexualitateaz. Transexualitateaz ari dira, haurtzaroa eta nerabezaroa ardatz hartuta, gaiarekin harreman zuzena duten hiru lagun: Chloe Cruz zarauztarra (16 urte ditu eta transexuala da); Ainhoa Arregi zarauztarra (11 urteko haur transexual baten ama da); eta Bea Server Chrysallis elkarteko kidea, sexologoa eta haur transexual baten ama).

Hezkuntza arloaren garrantzia

Gaia hezkuntza arloan lantzearen beharra azpimarratu nahi dugu. LGTBI ikasleek “bazterketa eta jazarpena” jasaten dute ikastetxe eremuan. “Horrelako egoerek eragin handia izaten dute ikaslearen hezkuntza prozesuan. Horregatik, oso inportantea da gaia hausnartzea eta lanketa egitea ikastetxeetan”.

Hori dela eta, Hezkidetza Foroak antolatuta, herriko ikastetxe guztietan gaia landu dute eta maiatzaren 17an arazo hau ikustarazteko hainbat ekitaldi egin dituzte.