Eduki publikatzailea
Atzealdea

Koronabirusa neurriak

Twitter

COVID-19 –AREN HEDAPENARI AURRE EGITEKO NEURRI ZEHATZAK FINKATU DITU ZARAUZKO UDALAK

Ekitaldia edo albistearen eguna honako hau da : 2020/03/13

Osasun agintariek jakinarazten ari diren neurri eta gomendioekin bat etorriz, Zarauzko Udal Gobernuak, martxoaren 13an egindako bileran, hainbat neurri adostu ditu, ondoko helburu hauek dituztenak:

 

  • COVID19-aren hedapenari aurre egitea.
  • Herritarren segurtasuna bermatzen laguntzea eta osasun-zerbitzuen kolapsoa saihestea.
  • Oinarrizko udal-zerbitzuak bermatzea.

Ildo horretan, adostutako neurriak (egoeraren arabera aldaketak izan ditzaketenak) honako hauek dira:

1. Oro har, udal-sailek herritarrentzat antolatzen dituzten jarduerak eta ekitaldiak etetea.

2. Adinekoei zuzendutako jarduerak aldi baterako etetea. Udaberri eta Iñurritzako Batzordeekin koordinatuta hartu dira neurri hauek.

3.Ikastetxeak Euskadi osoan ixteko aginduarekin bat etorriz, egoera horrek irauten duen bitartean, honako hauek ixtea: 

  • Haurreskola
  • Ludoteka
  • Gaztelekua
  • Sanz-Enea Kultur Etxea
  • Villa Munda
  • Ebro Etxea
  • Modelo Aretoa
  • Euskaltegia
  • Musika Eskola
  • Arte eta Historia Museoa
  • Photomuseum-a (Villa Manuela)

4. Era berean, eta Osasun Publikoaren, Aldundiaren eta Kirol Federazioen irizpideei jarraituz, honako hauek itxiko dira, abisu berria eman arte:

a. Udal-titulartasuneko kirol-instalazio guztiak:

  • Udal kiroldegia
  • Astiko kirol gunea
  • Surf Kluba


Kirol-klub, auzo-elkarte, kultura-elkarte eta mota guztietako elkarte guztiei gomendatzen diegu Osasun Publikoak COVID19-aren hedapena geldiarazteko neurrien esparruan egindako gomendioak aplikatzen laguntzea, eta parte-hartzaileak kutsatzeko arriskua dakarten jarduerak bertan behera uztea.


5. Udal eraikin eta bulego guztietan jendetza murrizteko neurriak hartzea, telefono bidezko arreta sustatzea, herritarrek egoitza elektronikoa erabiltzea eta udal antolakuntzari prebentzio neurriak aplikatzea. Beraz:


a.Turismo Bulegoa jendearentzat itxiko da. Herritarrei normaltasunez erantzungo zaie aurrez aurrekoak ez diren bitarteko tresnen bidez, hala nola telefonoz (943830990) eta posta elektronikoz (turismoa@zarautz.eus).
b.    Herritarrei eskatzen zaie ez joateko, presazko izapideetarako izan ezik, Udaleko Herritarrentzako Arreta Zerbitzura (Kale Nagusia 29), eta ahal den heinean telefonoa (010 edo 943005100), posta elektronikoa (haz@zarautz.eus) edo Zerbitzu Telematikoak (www.zarautz.eus/eu/tramiteak) erabiltzeko, bai informazioa biltzeko bai izapideak egiteko. Horretarako, telefono bidezko arretarako langileak indartuko dira, eta neurri gehigarriak hartuko dira aurrez aurreko arretako bulegoetan, hala nola:

  • Udal-bulegoetara sartzen diren pertsonen kopurua murriztea, haien arteko distantzia gutxienez 2 metrokoa izan dadin.
  • Informazio-agenteen eta herritarren arteko distantzia handitzea arreta-guneetan.
  • Esparruaren garbiketa areagotzea.


c. Gizarte Zerbitzuetako sailean (Zigordia kalea, 33), bertan behera uzten dira etxez etxeko bisitak eta aurrez aurreko hitzordu guztiak, eta telefonoa (943 00 51 11/ 943 00 51 27) eta emaila (ongizatea@zarautz.eus) lehentasunezko komunikazio-bide gisa erabiltzea gomendatzen da. Lehen mailako arretako langileen iritziz atzeraezintzat jotzen diren gizarte-larrialdiei eta hitzorduei bakarrik erantzungo zaie aurrez aurre.

d. Zarautz Lur bulegoa jendearentzat itxita egongo da. Herritarrei normaltasunez erantzungo zaie aurrez aurrekoak ez diren bitarteko tresnen bidez, hala nola telefonoz (943005129) eta posta elektronikoz (zarautz-lur@zarautz.eus).


6. Zarauzko Hiribusa ABEEari, garraio publiko kolektiboko udal-zerbitzuaren kudeaketaren arduradunari, zerbitzuko autobus guztietan garbiketa eta prebentzio jarduerak areagotu eta indartzeko agindua helaraziko zaio.

7.  Bide-garbiketaren ardura duen FCC enpresari herritarrentzat arrisku handiena dakarten espazio publiko, altzari eta azaleren garbiketa eta desinfekzioa areagotzeko instrukzioa helaraziko zaio, hala nola Merkatu Plaza, haurrentzako parkeak, igogailu publikoak, bankuak, barandak...

8.    Aldi horretan, osasun-segurtasunaren eta arretaren arloan eskuragarri dauden baliabideak zerbitzu oinarrizkoenak eta funtsezkoenak ematera mugatzen dira soilik. Beraz:

a. Polizia-zerbitzuen edo osasun-zerbitzuen laguntza behar duten jarduera guztiak, oraingoz, 15 egunez atzeratuko dira.
b. Bide publikoan eta espazio publikoetan aurreikusitako eta polizia-zerbitzuen eta/edo osasun-zerbitzuen laguntza behar duten jarduera guztiak, oraingoz, 15 egunez atzeratuko dira.


Azkenik, bide publikoan edo udal eraikinetan epe motzean jarduerak antolatzeko asmoa duten erakunde, elkarte eta kolektibo guztiei eskatzen zaie egoera berezi hau kontuan har dezatela eta euren prestaketak egokitu ditzatela, jardueren atzerapenak edo eteteak gertatzeko aukerak egon daitezkeela kontuan hartuta.

Neurri horiez gain, alkateak dekretu bat sinatuko du. Dekretu horren bidez, udal erakundearen lan arloko prebentzio eta babes neurriak onartzen dira, COVID19-a zabaltzeko eta kutsatzeko arriskuak murrizteko eta udal zerbitzu publikoak ematen jarraituko direla bermatzeko.

Neurri horien helburua da, batez ere, higienea indartzea, bai lan-ingurunean, bai langileen eguneroko jardueran ere; laneko prebentzio ekintza antolatzaileetara; pertsonei arreta eta laguntza ematera; eta lan arrazoiengatik udal langileen prestakuntzari eta bidaiei ere.
Udalak, pixkanaka, udal-zerbitzuen funtzionamendua bermatzeko neurriak aplikatuko ditu, eta, bereziki, funtsezkotzat jotzen diren zerbitzuak, hala nola:

a) Udal-zerbitzu soziosanitarioak
B) Udaltzaingoa
C) Babes zibila
D) Ur-zerbitzua eta ur-hornidura
E) Garbiketa eta hondakinak
F) Argiteria publikoa
G) Garraio publikoa
H) Jendearentzako arreta

 


Web edukia bistaratu

Bilatuenak

  • Larrialdiak
    112
  • Udaltzaingoa
    943 005 115
  • Udal Informazioa
    943 005 100
    Udal Informazioa Zarauztik
    010