2025/06/05

Zarauzko herri bideak mantentzeko eta hobetzeko helburuarekin, Zarauzko Udalak aste honetan hasi ditu Irusta bidean egin beharreko lanak. Eskuhartze honen baitan, herri bide honetan konponketak egingo dira eta harri-lubaki bat ezarriko da errepidea zabaltzeko

“Banan-banan Zarauzko herri bide guztien mantenua eta hobekuntza egiten joatea da gure helburua, bertatik igarotzen diren bizilagunentzat ahalik eta erosoenak izan daitezen”, adierazi du Iban San Martin (EAJ-PNV) Obra eta Zerbitzuen zinegotziak. “Auzo desberdinetako bizilagunekin kontaktuan izaten gara, mota honetako eskuhartzeen beharra komunikatu eta koordinazioa egiteko”.

Lan hauek EXCAVACIONES LASA SL enpresari esleitu dizkio Udalak eta 48.399,99 euroko (BEZ barne) aurrekontua izango dute. Epeari dagokionez, lan hauek bi asteko iraupena izango dutela aurreikusten da.