2023/03/15

Joan den otsailaren 21ean eman zitzaion hasiera Iñurritzako Eguzki Izarra partzelan eraikiko diren Erregimen Orokorreko 24 Babes Ofizialeko Etxebizitza eta Erregimen Autonomikoko 36 Etxebizitza Tasatuen zozketan parte hartzeko prozesuari. Datorren martxoaren 22a bitartean zozketa hauetan izena emateko epea irekita egongo da.

Orain artean, izen emateen erritmoa ona izan da eta, dagoeneko, 679 eskaera jaso dira bi zozketa hauetan parte hartu ahal izateko.

Interesatuek, Etxebizitza bulegoan (Salegi kalea, 14) edota elektronikoki, Udalaren webgunean, eman beharko dute izena. Izena emateko aukera izango dute etxebizitza premia duten bizikidetza unitate guztiek beti ere derrigorrezko baldintzak betetzen badituzte, besteak beste, Etxebiden altan egotea eta Zarautzen erroldatuta egotearen ingurukoa.

Bi zozketen inguruko informazio zehatza eskuratu ahal izango da Etxebizitza bulegoan edota Zarauzko Udalaren webgunean (https://www.zarautz.eus/eu/eguzki-izarra-zozketak).