2024/11/29

Zarauzko Inauterietako konpartsa martxan da eta datorren martxoaren 1ean herriko kaleak kantuz eta koreografiaz beteko dituzte. Aurtengo ekitaldirako aukeratutako gaia Rock-a da eta dagoeneko zabaldu da izena emateko epea. Parte hartzeko, atxikita dagoen inprimakia jaiak@zarautz.eus helbidera bidali beharko da abenduaren 19a baino lehen (edo 190 plazak bete arte).

Izena eman ahal izateko gutxieneko adina 8 urte izango da eta 8-10 urte bitarteko haurrek heldu batekin eman beharko dute izena.

Urtarrilaren 12an izango da lehen entsegua, Merkatu Plazan. Hortik aurrera, entseguak Aritzbatalde kiroldegian izango dira, 16:00etatik 19:00etara haurren kasuan eta 19:00etatik 21:00etara helduentzat.

Hauek dira entseguen datak:

-    Urtarrilak 12 (lehen entsegua), 19 eta 26.
-    Otsailak 2, 9, 23 eta 28 (entsegu orokorra).

Konpartsaren eta izen ematearen inguruko informazio gehiago 943 005 119 zenbakian eta jaiak@zarautz.eus helbidean.

​​​​​​​