2020/05/09

Maiatzaren 11tik aurrera Gipuzkoa deskonfinamenduaren 1. fasera igaroko da eta honekin batera, Zarauzko Hiribusak bere ohiko ordutegia berreskuratuko du. Erabiltzaile eta langileen segurtasuna bermatzeko, ondoko ez-ohiko neurriak jarriko dira martxan:

• Maskarilen erabilpena derrigorrezkoa izango da.
• Autobuseko bidaiari kopurua mugatu egingo da: gehienez, 15 bidaiari (7 eserita eta 8 zutik)
• Bidaiariek beraien artean eta gidariarekin 2 metroko segurtasun tartea mantendu beharko dute.
• Autobusera sartu eta ateratzeko, atzeko bi ateak erabiliko dira.

Neurri hauek era egokian gauzatzeko, erabiltzaileen ardura eta lagutza eskertuko da. Ordutegiak, ohi bezala, www.zarauzkohiribusa.org webgunean kontsultatu daitezke.