Igande honetan, urtarrilaren 22an, herritarren zientziaren bitartez, hondartzako mikroplastikoak eta itsas hondakinak jaso eta aztertzeko ekimena antolatu du Ingurumen departamentuak, MATER Ontzi Ekoaktiboko kideen eta CIMASUBeko boluntarioen laguntzarekin.
Ondoren Itsas Erraldoien Martxa izango da Zarauzko kaleetan zehar. Ekintza polita izango da lan-taldean aritzeko, ingurumena zaintzeko eta itsas hondakinek eta mikropastikoek gure itsasoetan sortzen dituzten kalte eta arazoen inguruan hausnarketa egiteko.
Ekintza honetan parte hartzeko aurrez izena eman behar da zarautz@eraztunberdeurdina.eus helbidera idatziz edota 943005159 zenbakira deituz.
