2022/02/10

Zarauzko Udaleko Gizarte Zerbitzuetako prebentzio arloak antolatu duen haur masaje ikastaroan parte hartzeko izen-ematea zabalik dago. Izen-emate epea otsailaren 25ean bukatzen da.

Haurrentzako masajea, antzinatik erabiltzen den zaintza-artea da. Azalaren bitartez, haur jaio berriaren zentzuak estimulatu eta maitasunez elikatzea du helburu.

ZERTAN DATZA IKASTAROAK? 

Ikastaro hau gutxi gora behera 0-9 hilabete bitarteko umeak dituzten gurasoei zuzenduta dago (lau hanketan mugitzen hasi baino lehenagoko umeentzat). Haurrentzako masajeikastaroa 60 eta 90 minutu bitartean irauten duten 5 saioz osatua dago. Erreferentziazko helduak masajea ematen ikasiko dute, horretarako beharrezkoak diren pauso guztiak ikasiz.

Ikastaroa Irati Bergara Tejeria fisioterapeuta eta haur masaje hezitzaileak (AEMI-IAIM) eskainiko du.

Egutegia: martxoak 4, 11,18, 25; eta apirilak 1
Ordutegia: 16:00 – 17:30
Lekua: Zarauzko Haurreskolan
Matrikula: 10 euro

IKASTAROAN PARTE HARTZEKO:
•    Plazak mugatuak dira.
•    Zarautzen bizi direnek izango dute lehentasuna.
•    Ikastaroa egiteko gutxieneko pertsona kopuru bat egon beharko da izena emanda, eta hala ez bada, ikastaroa bertan behera gelditu daiteke.
•    Pertsona gehiago apuntatzen badira zozketa egingo da izena eman dutenen artean.
•    Ikastaroa egingo dela eta onartua zaudela jakinarazten zaizuenean ordaindu beharko da matrikula.

IZEN EMATEA:
2022ko otsailaren 25a bitartean
E-posta bidez: prebentzioa@zarautz.eus
Informazio gehiago: 943005127