Azaroaren 19an Haur eta Nerabeen Nazioarteko Eguna ospatuko du Zarauzko Udalak. Horretarako, bi ekitaldi antolatu dira Modelo Aretoan. Batetik, 4-8 urteko txikientzat ipuin kontalari bat izango da 17:30etan, eta bestetik, 9 urtetik gorakoentzat pelikula bat eskainiko da 19:00etan.
Bi ekitaldietarako sarrerak doan izango dira baina gonbidapenak aurrez jaso beharko dira: azaroak 18an Gazte Informazio Bulegoan (Zigordia kalea 34) 17:00etatik 20:00etarara, edo bestela, azaroaren 19an Modelo Aretoko leihatilan 16:00etatik aurrera.
Segurtasun neurri guztiak bermatuko dira. Animatu zaitezte etortzera!
