2021/09/07

Zarauzko Udaleko Gizarte Zerbitzuetako prebentzio arloak hainbat ikastaro antolatu ditu gurasoentza. Ikastaro hauetan parte hartzeko izen-ematea zabalik dago jada, irailaren 28ra arte.

Ikastaro hauek seme-alaben adin tartearen arabera sailkatuak daude, eta sei saiokoa izango da bakoitza.

0-5 urte
Hazkuntza osasuntsu baterako tailerra:

- Oinarri sendoa: atxikimendua, errespetua
- Haurraren jarrera ulertu eta akonpainatu
- Emozioen kudeaketa
- Jolasaren garrantzia
- Errutinak eta mugak

Urriak 4, 18, 25
Azaroak 8, 15, 22
15:00 – 16:30

6-12 urte  
Garapen emozional osasuntsua:

- Haurraren jarrera ulertu
- Guraso bezala gure emozioen kudeaketa
- Haurren arteko gatazkak nola kudeatu
- Pantailen erabilera kudeatu

Urriak 4, 18, 25
Azaroak 8, 15, 22
17:00 - 18:30

13- 18 urte  
Nerabezaroa ulertu eta ezagutu:

- Nerabeekin komunikazioa
- Mugak, zeintzuk, noiz eta nola
- Ikasketak, etxeko lanak eta motibazioa
- Nola zaindu nerabearen osasun emozionala
- Elikadura nahasteen prebentzioa nerabezaroan

Urriak 5, 19, 26
Azaroak 2, 9, 16
18:00 – 19:30

Ikastaroak HEZIBIDE elkarteko Mireia Centeno, psikologoa eta psikopedagogoak eskainiko ditu, Gaztelekuan gauzatuko dira eta matrikularen kostua 10€koa izango da.

IKASTAROAN PARTE HARTZEKO:

-    Zarautzen bizi direnek izango dute lehentasuna
-    Plazak mugatuak dira.
-    Ikastaroa egiteko gutxieneko pertsona kopuru bat egon beharko da izena emanda, eta hala ez bada, ikastaroa bertan behera gelditu daiteke
-    Pertsona gehiago apuntatzen badira zozketa egingo da izena eman dutenen artean
-    Ikastaroa egingo dela eta onartua zaudela jakinarazten zaizuenean ordaindu beharko da matrikula.
-    Covid 19 dela eta egoerako horrela eskatzen badu ikastaroa on-line egingo da.
-    Ikasle guztiek beharrezko neurriak hartu beharko dituzte COVID-19 gaixotasuna hedatzeko arriskurik ez sortzeko, bai eta arrisku horiekiko esposizioa bera saihesteko ere. Zarauzko Udalak ezarritako segurtasun eta higiene neurriak jarraitu beharko dira.

Izen-ematea irailaren 28ra bitartean egin ahal izango da prebentzioa@zarautz.eus helbide elektronikoan.

Informazio gehiago: 943005127