Zarauzko Udaleko Gazteria departamentua ekaina amaiera bitartean BASH proiektua eskaintzen ari da. Proiektu honen baitan, dibertsitate funtzionala duten 18 urtetik gorako hainbat gaztek Gaztelekuko Soinketa gelan sormena eta mugimenduaren inguruko saio jostagarriak egiten dituzte.
Ekimen honek, Gipuzkoako Foru Aldundiaren laguntza jaso du Gipuzkoan dantza-proiektu berriak sortzeko, garatzeko eta zabaltzeko Gipuzkoako Dantzagunearen programaren bitartez. Honela, datorren maiatzaren 28an (larunbata) sormena eta mugimendua lantzeko saioa antolatu da Telmo Iruretarekin Zarauzko Gaztelekuan, Ikuskizun aretoan.
