2024/09/23

Gazteen artean 2030 Agenda ezagutarazteko, Eusko Jaurlaritzako Gizarte Trantsizioko eta 2030 Agendako Idazkaritza Nagusiarekin lankidetzan, Euskadiko Gazteriaren Kontseilua erakusketa ibiltari bat antolatzen ari da Agenda 2030 Gazte Plazan proiektuaren barruan. Erakusketa hau Malekoian (Dama inguruan) jarriko den karpan kokatuko da bihartik, irailaren 24tik, igandera bitartean.

Erakusketa ibiltariarekin batera, jarduerak, tailerrak eta hitzaldiak egingo dira Zarautzen datozen egunetan. Horietako bat, Zarauzko ikastetxeetako batxilergoko ikasleekin egingo dena, osasun mentalari buruzko jardunaldi bat izango da, non hitzaldi eta aktibitate desberdinen bitartez, gaur egun hain zabalduta dagoen arazo honen inguruko hausnarketa egingo den.