2023/06/23

Zarauzko Udalak dirulaguntza emango die 2022-2023 ikasturtean zehar euskalduntze eta alfabetatze ikastaroak egin duten zarauztarrei.

HELBURUA

Herritarren %74 elebiduna da Zarautzen eta Udalarentzat oso garrantzitsua da kopuru horri eustea, eta ahal bada gehitzea. Finean, dirulaguntza horien helburu nagusia da elebidunen kopuruak gora egitea.

ONURADUNAK

2022-2023 ikasturtean zehar euskalduntze edo alfabetatze ikastaroak egindako herritarrak.
Betebeharreko baldintzak:

•    Zarauzko udalerrian erroldatuta egotea, dirulaguntza xede den ikastaroak irauten duen bitartean.
•    Ikastaroko orduen %80 betetzea, gutxienez.

ESKAERAK AURKEZTEA
LEKUA
•    Udaletxea (HAZ – Herritarren Arreta Zerbitzua, Kale Nagusia 29): astelehenetik ostiralera 7:30-15:00; ostegunetan, 17:00-19:00.
•    Zarauzko Udalaren egoitza elektronikoan.

EPEA
•    2023ko uztaila baino lehen bukatutako ikastaroak: uztailak 5 arte.
•    2023ko uztailetik irailera bitartean egindako ikastaroak: irailak 22 - urriak 5.