2022/11/22

Zarauzko Udalak hitzaldia antolatu du etxeko eta zaintza lanei buruzko lan-arautegiari buruzko informazioa emateko. Hitzaldi hau, langile zein familia-kontratatzaileei dago zuzenduta eta helburua sektore horretan lan egiten duten pertsonen eskubide eta betebeharrak zein diren argitzea izango da.

Horretarako, Ana Isabel López Casarrubios abokatuak, legearen inguruko argibideak emateaz gain, bertaratzen diren pertsonen galderak eta zalantzak erantzungo ditu.
Aurten, gainera, legedi honek berrikuntza garrantzitsuak jasan ditu, hala nola, sektoreko langileei langabezia prestazioa jasotzeko eskubidea aitortu zaie.

Hitzaldia abenduaren 1ean izango da Etxezabalako bilera aretoan (kale Nagusia, 29), 18:00etan, eta, bertan, Zarauzko Udalak argitaratu duen Etxeko Langileen Erregimenari buruzko informazio liburuxka banatuko da. Liburuxka hau Zarauzko Udalaren Gizarte Zerbitzuen bulegoan ere eskuratu ahal izango da, doan.