Eduki publikatzailea
Atzealdea

Errenta Aitorpena Euskaraz

Twitter

ERRENTA AITORPENA EUSKARAZ EGITEKO KANPAINA ABIATU DUTE AURTEN ERE UEMAK ETA ZARAUZKO UDALAK

2021/04/09

Urtero bezala, Zarauzko Udalak eta UEMAk kanpaina egingo dute elkarlanean, herritarrek errenta-aitorpena euskaraz egitea bultzatzeko.

Gipuzkoako Foru Aldundiak iaz abiarazi zuen «100.000 zergadun ogasunarekin euskaraz» egitasmoa eta horri helduko dio aurten ere. Lau urterako egitasmoa aurkeztu zuen iaz eta, horren baitan, «Ogasunarekin euskaraz» leloa gehituko dute aurtengo kanpainari lotutako euskarri guztietan.

Hemendik aurrera Ogasunarekin dauzkazun harremanak euskaraz izatea nahi baduzu, eskatu besterik ez duzu:

- Aitorpena errenta mekanizatuko bulegoan egiten baduzu: Nahikoa duzu hango langileari esatea eta aldatuko dizu.

- Interneteko Zergabidea plataforman egiten baduzu: Errenta aitorpena betetzean, hizkuntza-aukera egiten da: Datu pertsonalak > Administrazioarekin harremana izateko hizkuntza > Euskara.

- Gestorian egiten baduzu: Nahikoa duzu gestoreari esatea aldatu egin nahi duzula.

- Autolikidazioa onartzean, eskatu euskaraz izatea

Herritarren gehiengo handi batek autolikidazio-proposamena jasotzen du gaur egun. Autolikidazioa onartzerakoan (telefonoz deituta edo internet bidez), euskaraz nahi duzula esaten baduzu, hortik aurrera hala etorriko zaizkizu Ogasunarekiko komunikazioak, zuk besterik erabaki arte.

Informazio gehiago Aldundiaren web atarian.

 


Web edukia bistaratu

Bilatuenak

  • Larrialdiak
    112
  • Udaltzaingoa
    943 005 115
  • Udal Informazioa
    943 005 100
    Udal Informazioa Zarauztik
    010