2023/09/06

Asteburu honetan ospatuko den Euskal Jai egunari begira, Zarauzko Udalak bere garbiketa zerbitzua indartuko du, behin jardunaldia amaitutakoan Zarauzko kaleak garbitzeko.

Larunbat honetan Euskal Jaia ospatuko da gure herrian eta zarauztar eta bisitariak Zarauzko kalek beteko dituzte jardunaldi berezi honetan.

“Euskal Jai eguna kale garbiketa zerbitzu errefortzu berezia behar duen jai eguna da”, adierazi du Iban San Martin (EAJ-PNV) Zerbitzuen zinegotziak. “Goizeko 6:00etan hasiko dira garbiketa zerbitzuak lanean eta Zarautz osoa zeharkatuko dute, jende kopuru gehien biltzen duten guneetan bereziki erreparatuz, hala nola, Malekoia, Alde Zaharra edota Iñurritza”.

23 langile arituko dira garbiketa lanetan eta, honako ibilgailuak erabiliko dituzte lan honetarako:

•    4 xurgapen-ibilgailu RAVO 540 CD
•    2 xurgapen-ibilgailu txiki
•    8.000 litroko 2 zisterna kamioi
•    2.000 litroko zisterna kamioi ureztatzailea
•    4 Goupil ibilgailu.
•    Capstar 1
•    Patrol lur orotarako ibilgailu 1
•    Fatxadak garbitzeko ibilgailu 1

Honez gain, Zarauzko Udalak edukiontziak jarriko ditu jende gehien aurreikusten den guneetan (Munoa, Iñurritza, Lege Zaharren enparantza...), hondakinak lurrean buka ez dezaten ekiditen laguntzeko.

Zerbitzuen arteko koordinazioa

Euskal Jaiaren baitan egingo den errefortzuak garbiketa eta jasoketa zerbitzuak kudeatzen dituzten erakunde desberdinen arteko koordinazioa izango du. Kale garbiketa zerbitzuaz gain, Lorezaintza zerbitzuaren ELAI enpresa esleipendunak lau langile eta bi kamioneta izango ditu herriko gune berdeak eta lorategiak garbitzeko. Bere aldetik, Urola Kostako Udal Elkarteak egiten duen hondakinen jasoketa zerbitzuak eta Zarauzko hondartzan Gipuzkoako Foru Aldundiak egiten duen garbiketa ere indartuko dira egun hauetarako.