2022/12/20

Gabonak gainean ditugun honetan, urtero bezala, Zarauzko Gabonetako Erakusleiho Lehiaketa sari banaketa egin da gaur eguerdia udaletxeko Batzar Aretoan. Aurten, lehiaketa honen XL. edizioa ospatu da eta 24 establezimendu izan dira Gabon hauetan euren erakusleihoa apaintzeko erabakia hartu dutenak.

Xabier Txurruka (EAJ-PNV) alkatea eskerrak eman dizkie parte hartzaile guztiei: “Zarauztarrak gonbidatu nahi ditut gure herriko txikizkako merkataritzan erosteko, hauek baitira urte guztian zehar, eta bereziki Gabonetan, Zarauzko kaleak argiz eta kolorez betetzen dituztenak”.

Aurtengo epaimahaiko kideak Ixidor Larrañaga (Turismo eta Merkataritza zinegotzia), Carmen Agirretxe (Artezaleakeko ordezkaria), Iraitz Zendoia (Murkil elkarteko batzordekidea) eta Leire Francesena (Cerrajería Francesena dendakoa, azken edizioko irabazlea) izan dira.

Hiru sari banatu dira eta hauek izan dira aurtengo irabazleak:

-    Lehenengo saria (600€ eta garaikurra Turismo Bulegoaren eskutik):

JAVIER LUCAS FOTÓGRAFO

-    Bigarren saria (300 € eta garaikurra Murkil dendarien elkartearen eskutik):

ÓPTICA OLAIZOLA

-    Aipamen berezia (Murkileko Facebookaren bitartez bozka gehien jaso dituen erakusleihoa):

KOBA INTERIORISMO

Parte hartu duten establezimenduak: KOBA INTERIORISMO, TRANSIT, GARMEN, ANTHEA OINETAKOAK, UNAI GARRASTAZU OPTIKA, JOSUNE MODA, OPTIKA ZARAUTZ, SAYALERO, HELMUGA KIROLAK, GOXOTA, OPTICA OLAIZOLA, SEGUROS BILBAO, MAIALEN DEKORAZIOA, ZARAUTZ BIKE, MASANE, JAVIER LUCAS, ANDERE, LAIA JANARIDENDA, ORIZAR, ITZIAR OREGI, JADE, CLC, MAY ESTETIKA eta 310 PROJECT.