2024/08/02

Abuztuan sartu gara jadanik eta Zarauzko Udalak Eraztun Berde Urdineko espazio naturalak ezagutzeko prestaturiko bisita gidatuak eskaintzen jarraitzen du.

Gaur Arkamurka ibilbidean irteera gidatua antolatuko da. Ibilbide honetan Zingira, Mutxio eta Vista Alegre parkean dauden artelatzak protagonista izango dira, baina beste hainbat sorpresa ere eskaintzen ditu adin guztietarako zuzenduta dagoen irteera honek.

Larunbatean berriz irteera gidatua eskainiko da Iñurritzako Paisaia Natural Babestuan, dunak eta padurak ezagutzeko.

Irteera gidatu guztiak doakoak dira baina aurrez izena ematea ezinbestekoa da, 943 83 09 90 zenbakian edo turismoa@zarautz.eus helbide elektronikoan.

ASTEBURU HONETAKO PROGRAMA:

-    Abuztuak 2, ostirala (18:00 - 20:30) -> Arkamurka ibilbidea
-    Abuztuak 3, larunbata (10:00 - 12:30) -> Iñurritzako altxor naturalak.

Hemendik aurrera, hauek dira abuztuan zehar eskainiko diren irteera gidatuak:

-    Abuztuak 10, larunbata: Iñurritza, goizeko 10:00tan.
-    Abuztuak 13, asteartea: Hezeguneak, goizeko 10:00tan.
-    Abuztuak 24, larunbata: Arkamurka, arratsaldeko 18:00tan * irteera hau maldan gora denez eguerdiko ordu beroenak saihesteko arratsaldez egitea aproposagoa dela iruditzen zaigu.