2024/08/14

Zarauzko Aste Nagusiko festen baitan, Parekidetasun departamentuak Puntu Morea jarriko du Malekoian, Galtxagorri elkartearen parean, abuztuaren 14ean, 15ean eta 17an, 23:00etatik 01:00etara.
“Puntu Morearen helburua bikoitza da: alde batetik, eraso sexual baten aurrean nola jokatu behar den jakiteko herritarrei informazioa zabaltzea eta, bestetik, eraso bat gertatzekotan, laguntza ematea erasotuari”, azaldu du Gloria Vazquezek (PSE-EE), Berdintasun zinegotziak.
“Puntu Morean, Berdintasun departamentuan egin ditugun foiletoak aurkituko dituzue, informazioa zehatza eta argiarekin eraso sexistei buruzkoa eta instituzioetatik eskaintzen ditugun baliabideen informazioa indarkeria matxistaren biktimak artatzeko”, gaineratu du Vazquezek. “Pegatinak, poltsak eta preserbatiboak ere banatuko ditugu, azken hauek gogorarazteko onartutako erlazioetan oso garrantzitsua dela preserbatiboak erabiltzea haurdunaldiak ekiditeko, baina, bereziki, sexu-transmisioko gaixotasunak ez kutsatzeko”.

Horretaz gain, bertara hurbiltzen direnei argazkiak egitea eskainiko zaie, Berdintasuneko sare sozialetara igo eta hainbat mezu zabaltzen laguntzea helburu: “nire janzkera ez da zure gonbidapena”; “eraso sexistarik ez”; “ez  ezazu nire espazioa inbaditu”; “ni ere eraso sexisten aurka”; “erasotzea delitua da, defendatzea ez”.