[EGUNERATUTA 44/2020 DEKRETUA] SEGURTASUN ETA HIGIENE NEURRIAK ARITZBATALDE KIROLDEGIAN
2020/12/16
COVID19-aren prebentziorako Eusko Jaurlaritzak hartutako azken neurriei dagokienez, Euskal Herriko Aldizkari Ofizialean argitaratuak, abenduaren 10ean (44/2020 Dekretua, azaroaren 06ko 38/2020 Dekretuan aldaketak ekarri dituena), Zarauzko Udalak Aritzbatalde Kiroldegiko instalazioetan egindako aldaketen berri eman die erabiltzaileei.
[EGUNERATUTA] INSTALAZIOKO AFOROAK
Hauek dira Aritzbatalde Kiroldegiko aforoak, 44/2020 Dekretuaren 14.1 puntuan jasotakoa betez: “Gimnasioetan, kirol-klubetan, igerilekuetan eta kiroldegietan programatutako ikastaroak edo jarduerak egin ahal izango dira, baldin eta maskara erabiliz egiten badira, sei laguneko taldeetan gehienez, eta edukiera ehuneko 40ra mugatuta badago.”
AIREZTATZE SISTEMA
Instalazioko areto guztietako leihoak zabalik egongo dira eta airea berritzeko sistema uneoro aktibatuta egongo da, espazioen aireztapena bermatze aldera.
HARRERA ZERBITZUA
Arreta zerbitzuaren ordutegia Fitness eta Igerilekuetako txanden ordutegira egokitu da
- Astelehenetik ostiralera: 6:30etik 21:00era
- Larunbatak: 8:30etik 13:30era eta 16:30etik 20:00era.
[EGUNERATUTA] IGERILEKUAK
Erreserba txandak eta aforoak mantendu dira igerilekuetan: igerileku handian 18 pertsona, igerileku ertainean 17 pertsona, eta igerileku txikian 18 pertsona.
Honez gain, erreserba txanda hasi baina 15 minutu lehenago instalaziora sartzeko aukera mantentzen da.
Aldageletara erabilera baimenduko da %30eko aforoan eta dutxen bakarkako erabilera. Maskara erabiltzea derrigorrezkoa izango da uneoro, 44/2020 Dekretuaren 14.2 puntuan jasotzen denaren arabera: “Aldagelak erabili ahal izango dira betiere gehieneko edukieraren ehuneko 30eko okupazioarekin. Halaber, dutxak erabili ahal izango dira, baldin eta banaka erabiltzen badira”.
Ikusi igerileku ertaineko taula
[EGUNERATUTA] FITNESS GUNEA
Erreserba txandak mantendu dira eta aforoak mantendu dira.
Honez gain, erreserba txanda hasi baina 15 minutu lehenago instalaziora sartzeko aukera mantentzen da.
Ikusi Fitness txandetako taula
Aldagelak erabiltzea baimenduta dago %30eko aforoan, baita dutxak ere, banaka, 44/2020 Dekretuaren 14.2 puntuan jasotzen denaren arabera: “Aldagelak erabili ahal izango dira betiere gehieneko edukieraren ehuneko 30eko okupazioarekin. Halaber, dutxak erabili ahal izango dira, baldin eta banaka erabiltzen badira”.
44/2020 dekretuaren 14.1 Artikuluan jasotzen dena betetze aldera (Bakarka bakarrik egin ahal izango da kirola, taldeko edozein kirol-jarduera eten egiten da, bai entrenamenduan, bai lehiaketan), salbuespenik gabe, bakarkako kirola praktikatzea exijituko da, ‘talde txiki’ eta ‘bikoteen’ arteko kirol praktika debekatuta geratzen delarik.
Era berean, maskararen erabilera egokia egitea derrigorrezkoa izango da, 44/2020 Dekretuko 14.2 Artikuluak eskatzen duenez: “Jarduera fisikoa edo kirola egiteko, igerilekuetan izan ezik, maskara erabili beharko da. Maskara hori nahitaez erabili beharko da gimnasio edo esparru itxietan, hiri-inguruetan eta jende asko biltzen den lekuetan”.
Berrikuntza bezala, eta muskulazio aretoan jende pilaketak ekidite aldera, gune honetako aforo partziala 13 pertsonakoa izango da.
Azkenik, Express saioetako aforoa, Tatami aretoan emango direnak, 9 pertsonan mantenduko da (8 ikasle eta monitore 1), 4 pertsonako azpitaldeetan banatuta, 14.2 Artikuluan jasotzen dena betetzeko (taldean ematen diren eskoletan, gehienezko parte-hartzaile kopurua 6 lagunekoa izango da talde bakoitzeko, eta eskola ematen den espazioan puntu honetan ezarritako gehieneko edukiera errespetatuko da).
Ikusi abenduko Express saioen taula
[EGUNERATUTA] IKASTAROAK
Antolatutako ikastaro guztiak mantenduko dira, gehienez sei pertsonako azpitaldeetan banatuta.
Arau berrien ondorioz, Kiroldegiak 21:00etan itxi behar du eta, hala, ikastaro batzuetako ordutegiak aldatuko dira.
Azpitaldeetako neurri honekin, ‘burbuila’ sistema ezarri nahi da, prebentzio eta kutsatzearen trazabilitatea errazteko asmoz.
Ikastaroetan hartu diren neurriak hauek dira:
| 3 aretoa (Spinning) | 4 aretoa | 5 aretoa | HItzaldi Aretoa | Tatami (1 solairuan) | |
| Gehieneko aforoa | 30 | 18 | 14 | 20 | 9 |
| Azpitaldeak | 6 | 6 | 5 | 5 | 4 |
Edozein zalantza argitzeko, Harrerara deitu (943 00 51 23) edo kirola@zarautz.eus helbidera idatzi daiteke.