2023/06/01

Ikasturtea amaitu aurretik izango da aurten 2023/24 ikasturteko izen emate epea.

Hiru epe zehatz bereiziko dira:

1. Egun ikastaroetan dabiltzanek euren ikastaroko plaza zuzenean erreserbatzeko aukera egongo da. Hori ekainaren 1tik 30era bitarte izango da eta kiroldegiko harreran egin beharko da.
2. Gainerako eskaintzarako nahiz egun ez dabiltzanentzako epea egongo da, ekainaren 15tik 30era kiroldegiko harreran nahiz online www.kirola.zarautz.eus webgunean. Ikastaroren batean eskaintzen diren plaza kopurua baina eskaera gehiago egongo balira, zozketa bitartez esleituko lirateke eta emaitzak uztailaren 12an argitaratuko dira. Bide honetan plaza egokitu eta aurrez beste bat erreserbatua duenetakoren batek nahiko balu hasierako erreserba baliogabetzeko aukera izango du uztailaren 12tik 19ra bitarte.
3. Eskaintza osoan aurreko bi izen emateak egin ostean libre geratzen diren plazak iriste hurrenkeran joango dira betetzen, uztailaren 20tik aurrera, kiroldegiko harreran nahiz online www.kirola.zarautz.eus webgunean.

Ikus daiteke aurtengoan izen emateak aurreratu egin direla. Aldaketa hau urteetako esperientzia eta erabiltzaileen ekarpenak kontuan hartuta egin da, erabiltzaileak oporretara joan aurretik guztia kudeatua izateko asmoz, hain zuzen ere. Izen emateko egun nahikoa egon arren, garrantzitsua da garaiz egitea.

Irailaren 15ean emango zaio hasiera 2023/24 eskaintzari ikastaro gidatuekin, igeriketak aldiz urriaren 2an hasiko dira. Helduen ikasturteko izen emateak orain badira ere, haurren igeriketa ikastaroetako izen emate epeak laster argitaratuko dira dagokion eskaintzarekin batera.

Informazio gehiagorako jarrai gaitzazu @ZBizia Twitter kontuan edota gertura zaitez Aritzbataldera.

Gu prest, zu?