2025/04/30

Aurreko edizioaren arrakastari jarraipena emanez, APPA Zarautzen bigarren edizio honek lehenengoan lortutako zenbaki onak errepikatu ditu. Martxoaren 24an hasi zen Zarauzko Udalak, Gipuzkoako Foru Aldundiarekin eta Eusko Jaurlaritzako Lehendakaritzarekin lankidetzan, diseinatutako galdera-erantzunen joko interaktiboaren bigarren edizioa, eta, ekimenak iraun duen 18 egunetan, 5.784 partida osatu dira aplikazioan.

Guztira 462 erabiltzailek parte hartu dute aurten Appa Zarautz ekimen honetan, eta horietatik erdiak, gutxi gorabehera, aurreko edizioan parte hartu zutenekin bat egin zuten erabiltzaile berriak izan ziren. Bigarren edizio honek jarraipen handia izan du parte-hartzaileen artean, guztizkoaren % 69k partiden erdiak gutxienez osatu dituztelarik. Jokatzeko erabilitako hizkuntzari dagokionez, % 78k Appa Zarautzen euskaraz jokatzea erabaki du, eta gainerako % 22ak, berriz, gaztelaniaz.

"Eskertu nahi dut Appa Zarautzen bigarren edizio honek izan duen harrera ona eta 18 egunetan zehar aplikazioan egunero eskuragarri zeuden galderei erantzunez jokatu duten zarauztar guztien parte-hartzea", adierazi du Iker Basurko (EAJ-PNV) Proiektu Estrategikoen zinegotzi eta Zarautz 2030 proiektuaren arduradunak. "Aurten, 2030 tokiko agendako mezua indartzeaz gain, Mugikortasuneko eta Herritarren Segurtasuneko departamentuetatik abian jarri dugun Mugikortasuna, Errespetua eta Bizikidetza proiektuarekin lotutako galderak sartzea erabaki dugu, bide publikoko erabiltzaileen arteko bizikidetza egokiaren beharraz kontzientziatzen saiatzeko".

Duela gutxi ekitaldi txiki bat egin da udaletxeko Pleno Aretoan, zozketan sarituak izan diren pertsonei sariak banatzeko. Banatutako sarien artean, jertseak, biserak edo tokiko merkataritzan gastatzeko bonuak daude eta, gainera, beste bost sari berezi ere zozkatu dira familian edo lagun taldearekin gozatzeko. Sari berezi hauek 6 lagunentzako nabigazio jardunaldia, Golfaren sarrera ikastaroa eta bazkaria Zarauzko Golfean eta taldeko afari batengatik trukatzeko bonuak izan dira.