2026/06/30

Gaur eguerdian, Xabier Txurruka (EAJ-PNV) Zarauzko alkateak agerraldia egin du Diputatuen Kongresuko Etxebizitza eta Hiri Agendaren Batzordean, Lurralde eta Hirigintza Antolamenduaren Segurtasun Juridikorako, Hiri Garapenaren Sustapenerako eta Etxebizitzarako Neurri Administratibo eta Prozesalen Lege Proposamenari inguruan hitz egiteko.

Bere agerraldian, Zarautzen etxebizitza eskuratzeko erronkari  aurre egiteko azken urteotan egindako lanaren eta horretarako bete diren prozesu administratiboen berri eman du alkateak.

"Etxebizitza eskuratzea egiturazko arazo bihurtu da azken urteotan gure gizartean", adierazi du Txurrukak agerraldian. "Erronka horrek gizarte-kohesioari eragin diezaioke, eta, beraz, Zarauzko Udalean baliabide eta ahalegin guztiak etxebizitza babestuen parke zabal bat sustatzera bideratzen ditugu, bere aukera guztietan, herritarren beharrei erantzuteko".

Txurrukak gaineratu duenez, "jakin badakigu ez dugula etxebizitzaren arazoa konpontzea lortu, baina etxebizitza babestuaren sustapenaren bidez Zarauzko 1.000 familia baino gehiagoren etxebizitza-beharrei irtenbidea ematea ahalbidetuko dugu".