2024/11/26

Hezkidetza Foroan, urtero bezala, Zarauzko ikastetxe guztietako ikasleak lanean egon dira 25N egunean Emakumeen kontrako Indarkeria Matxista salatzeko eta ikastetxe barruan gaia lantzeko, Zarauzko Udaleko Parekidetasun departamentuarekin eta Berritzegunearekin koordinatuta. Ekimenak, bailarako beste herrietan ere gauzatu dira, hala nola, Zumaian eta Orion.

“Aurreko urteetan bezala, Zarauzko Udalean eta herriko ikastetxe guztietan pankarta berbera jarri da:  Indarkeriarik gabe, aske!”, adierazi du Gloria Vazquez (PSE-EE) Berdintasun zinegotziak. “Aske bizi nahi dugu ikasgeletan, komunetan, patioan, korridoreetan, irakasle geletan… bai Zarautzen, eta baita beste edozein txokotan ere. Baina oraindik, matxismoa errotuta dago gure jarrera eta bizitzeko moduetan, eta gure espazioak horren isla ere badira”.

Zarauzko Hezkidetza Forotik, egun hori baliatu nahi izan da indarkeriaren gaia landu, salatu eta kontzientzia garatzeko. Horretarako, ikastetxe bakoitzean, egunean zehar, hainbat ekintza egin dira honen baitan.

​​​​​​​