Beste urte batez, Zarauzko Udalak euskarazko AISA ikastaroa antolatu du herrira etorritako bizilagun berrientzat.
Ikastaro honen helburua euskarazko oinarrizko esamoldeak ikastea da: hitzak, agurrak… euskal kultura ezagutzen duten bitartean.
Horrela, ikastaroak guztira 60 orduko iraupena izango du, azaroaren 4tik urtarrilaren 30era. Astelehenetan, astearteetan eta ostegunetan: goizeko taldea 9:30tik 11:30era eta arratsaldekoa 18:00etatik 20:00etara.
Izena ematea Zarauzko Udaleko Gizarte Zerbitzuetan egin beharko da (Zigordia kalea, 33 – 943 005 127 – immigrazioa@zarautz.eus) urriaren 25a baino lehen.
