2022/06/29

Abuztuaren 6ean Zarautz Modan desfilea ospatuko da. Lehengo urtean Torreoian egin ondoren, aurten, beste behin, Malekoira itzuliko da desfilea.

Parte hartu nahi duten dendek mezu elektroniko bat bidali beharko dute gatc@zarautz.eus helbidera, dendaren izena, helbidea, telefonoa eta sektorea adieraziz, uztailaren 11 baino lehen.

Ekitaldian zehar, bideoak eta argazkiak aterako dira eta, ekitaldiaren ondoren, parte hartu duten dendei emango zaizkie erabil ditzaten.

Ekitaldiaren kostuaren gehiengoa Udalak hartuko du bere gain, baita Murkilek ere, Eusko Jaurlaritzak elkarteari kostuaren zati bat ordaintzeko emandako laguntza bati esker. Aurten, establezimenduek ere lagundu beharko dute, Murkileko kideek 100 eurorekin eta kideek ez direnak 150 eurorekin.